«AlmatyEnergoSbyt» JShS-i jurtshylyqty Ashyq esikter kúnine shaqyrýda
ALMATY. 4 qazan. QazAqparat /Ádilet Musahaev/ - «AlmatyEnergoSbyt» JShS elektr energııasyn tutynýshylardy 2011 jylǵy qazannyń 4-nen 21-ne deıin aýdandyq energııamen jabdyqtaýshy bólimderde ótetin «Ashyq esikter kúnine» shaqyrady.
Ashyq esikter kúnin ótkizýdiń negizgi maqsaty - tutynýshylarǵa «AlmatyEnergoSbyt» kompanııasynyń qyzmeti jaıly aqparat berý, sondaı-aq turǵyndar arasynda energııa únemdeý ıdeıasyn keńinen tanymal etý, energııa tutyný mádenıetin arttyrý.
«AlmatyEnergoSbyt» JShS-niń bas dırektory Mıhaıl Gambýrger jyl saıyn ótip turatyn mundaı aktsııanyń kompanııa úshin jaqsy dástúrge aınalǵandyǵyn aıtady. «Bıylǵy shara kompanııanyń 5-jyldyǵyna oraı ótýde. Búgingi tańda AlmatyEnergoSbyt - energııamen jabdyqtaý naryǵynda aldyńǵy qatardaǵylardyń biri, biraq biz qol jetken jetistikterimizde turyp qalmaı, tutynýshylarmen Ashyq esikter kúnderi sııaqty is-sharalar arqyly ózara qarym-qatynas ornatyp, qyzý aralasyp, olardyń pikirlerin eskere otyryp, qarqyndy damýdamyz»,-deıdi ol.
Ashyq esikter kúnin ótkizý barysynda Almaty qalasy men Almaty oblysynyń turǵyndary energııamen jabdyqtaýshy kompanııalarmen ózara áreketterge qatysty suraqtarǵa, «AlmatyEnergoSbyt» mamandarynyń keńesteri, kommýnaldyq shyǵyndardy 30 paıyzǵa azaıtý jaıly usynystar, úıden shyqpastan elektr energııasy úshin tólemder jaıly tolyq aqparat alýǵa qol jetkize alady.
Jıyn barysynda «Nomad» sán teatrynyń balalary óz qoldarymen jasalǵan ekologııalyq kıim úlgileriniń erekshe qoıylymyn kórsetti.
