«AlmatyEnergoSbyt» JShS-ǵa 29 mln teńge aıyppul salyndy
ASTANA. QazAqparat - «AlmatyEnergoSbyt» JShS-ǵa elektr qýatyn zańsyz óshirgeni úshin 29,3 mln teńge aıyppul salyndy, dep habarlady QR Ulttyq ekonomıka mınıstrligindegi Tabıǵı monopolııalardy retteý jáne básekelestikti qorǵaý komıtetinen.
«Almaty qalasynyń departamenti «AlmatyEnergoSbyt» JShS-niń is-áreketterine júrgizgen aýdıt qorytyndysy boıynsha Qazaqstan Respýblıkasynyń Kásipkerlik kodeksiniń 174-baby 7-tarmaǵyna sáıkes naryqtaǵy ústem nemese monopolııalyq jaǵdaıdy teris paıdalaný jaǵdaıynda básekelestikti qorǵaý salasyndaǵy Qazaqstan Respýblıkasynyń zańnamasyn buzý faktilerin anyqtady», - dep jazylǵan habarlamada.
Atalǵan faktige baılanysty ákimshilik is qozǵalyp, 29 304 424 teńge kóleminde aıyppul salyndy. Aıyppul tolyǵymen óteldi.
