«AlmatyEnergoSbyt» kompanııasynyń jarnamalyq ıdeıa baıqaýynyń jeńimpazdary anyqtaldy
ALMATY. 9 qarasha. QazAqparat /Erbol Turymbetov/ - Búgin «AlmatyEnergoSbyt» JShS kompanııasynyń №6 AEJB-de «Qýat únemdeý - keleshekke ınvestıtsııa» atty eń úzdik jarnamalyq ıdeıaǵa arnalǵan baıqaý jeńimpazdary marapattaldy.
Atalmysh baıqaýdy Almaty qalasy ákimdigimen birlese uıymdastyrǵan kompanııa 1 qyrkúıekte jarııalaǵan bolatyn. Ondaǵy maqsat tutynýshylardyń nazaryn qýat únemdeýdiń mańyzdylyǵyna aýdarý jáne qýat tutynýdyń jańa mádenıetin qalyptastyrýǵa jaǵdaı jasaýǵa baǵyttalǵan.
Baıqaý jeńimpazdaryn marapattaýǵa qatysqan «AlmatyEnergoSbyt» kompanııasynyń Bas dırektory Mıhaıl Gambýrger kelip túsken jumystardyń joǵary deńgeıliligin atap ótti. «1 qyrkúıek pen 31 qazan aralyǵynda baıqaýǵa 400 jumys kelip tústi. Baıqaý qorytyndylaryn qala ákimdigi men kompanııa ókilderi jáne BAQ pen jarnama salasynyń mamandary birlesip, jeńimpazdardy anyqtady», dedi ol.
Jalpy baıqaý 3 sanat boıynsha saraptaldy. Onyń birinshisi - oqýshylar sanaty boıynsha Almaty qalalyq №98 mektep oqýshysy Darhan Teńebaev jeńimpaz atandy. Tutynýshylar sanaty boıynsha «Balalar» jumysymen Alına Hamıdýllına, al kásibıler sanatynda Evgenıı Petrovtyń «Oılan!» atty shyǵarmasy úzdik dep tanyldy. Barlyq jeńimpazdar arnaıy jáne aqshalaı syılyqtarmen marapattaldy. Sonymen birge, sharanyń demeýshisi «Kazkommertsbank» 10 qatysýshyǵa baıqaý jumystary beınelengen kártishkelerin tabys etti.
