«AlmatyEnergoSbyt» kompanııasynyń dástúrli «ashyq esik kúnderi» bastaldy
ALMATY. Qyrkúıektiń 14-i. QazAqparat /Erbol Turymbetov/ - Qyrkúıektiń 14-24-i aralyǵynda «AlmatyEnergoSbyt» kompanııasy Almaty qalasy men Almaty oblysynyń tutynýshylaryna arnalǵan dástúrli «ashyq esik kúnderin» ótkizedi,
dep habarlaıdy QazAqparat.
Ashylý rásimine Almaty qalasy ákimdigi men «Nur Otan» partııasy ókilderi, tutynýshylar quqyǵyn qorǵaý jónindegi qoǵamdyq uıymdardyń lıderleri jáne PIK tóraǵalary, sondaı-aq energetıka jáne qýatty únemdeý salasyndaǵy sarapshylar qatysty. Jyl saıynǵy dástúrli «ashyq esik kúnderin» ótkizýdiń maqsaty «AlmatyEnergoSbyt» kompanııasy qyzmetiniń túrli máseleleri jaıly tutynýshylarǵa aqparat berý men qýat únemdeýdi nasıhattaýdy kózdeıdi.
«Qýatty únemdeýshi tehnologııalar týraly aıtyp, olardy nasıhattaı otyryp, biz tek elimizdiń erteńgi ekologııasyn oılaımyz. Sonymen qatar, tutynýshylardyń qarjysyn únemdeýge de tyrysamyz», dedi «AlmatyEnergoSbyt» kompanııasynyń bas dırektory Mıhaıl Gambýrger.
Shara barysynda qatysýshylar «AlmatyEnergoSbyt» kompanııasynyń basshylarymen, qýatty únemdeý salasyndaǵy sarapshylarmen jáne tutynýshylardyń quqyǵyn qorǵaý jónindegi qoǵamdyq uıymdardyń ókilderimen jeke suhbattasa alatyn bolady. Sonymen birge, zaman talabyna saı qýatty únemdeý tehnologııalary tanystyrylyp, osy jyly tutynýshylarǵa arnaıy «konsýltatsııalyq saǵattar» uıymdastyrylatyn bolady.
«Engizilgen jańalyqtarǵa baılanysty turǵyndarda kommýnaldyq qyzmetter, elektr qýaty úshin tólem jaıly kóptegen suraqtar týyndaýda. «AlmatyEnergoSbyt» kompanııasynyń uıymdastyrǵan osyndaı is-sharalary halyqqa bilikti de keń kólemdi jaýaptar alýǵa múmkindik beredi. «AlmatyEnergoSbyt» óziniń halyqqa kórsetetin qyzmetin jaqsartý úshin is-shara ótkizip, birlesip qalaı jaqsartý kerektigine tyrysýy bizdi qýantady» - deıdi Almaty qalasy máslıhatynyń depýtaty jáne Qazaqstan tutynýshylary Ulttyq lıgasynyń prezıdenti Svetlana Romanovskaıa.
Sharanyń ashylý rásiminde qýatty únemdeýshi tehnologııalardyń «Qýat únemdeý 2010» kórmesi boldy. Ony Respýblıkamyzda qýatty únemdeý tujyrymdamasyn endirýmen aınalysatyn kompanııalar usyndy.
