Almatydan Túrkistanǵa jańa poıyz qatynaıdy
ASTANA. QazAqparat - Jańa jyldan bastap «Tulpar-Talgo» vagondarynan jasaqtalǵan poıyz Almaty men Túrkistan arasynda qatynaı basaıdy. Bul jaıynda «Jolaýshylar tasymaly» AQ baspasóz qyzmetinen málim etti, dep habarlaıdy QazAqparat.
«Túrkistn oblysynyń kóliktik qoljetimdiligin arttyrý jáne Qazaqstandaǵy eń tanymal týrıstik oryndardyń biri baǵytynda jolaýshylar tasymalyn jetildirý maqsatynda «Jolaýshylar tasymaly» AQ 3 qańtardan bastap Almaty men Túrkistan qalalary arasynda jańa baǵdardy iske qosady», - delingen kompanııa aqparatynda.
71/72 nómiri «Almaty 2-Túrkistan» poıyzy 23 vagonnan jasaqtalǵan, onyń 19-y «Týrıst» sanatynda jáne 1 vagon bar, 1 vagon meıramhana jáne 2 tehnıkalyq vagon bar.
Almatydan shyqqan poıyz Túrkistan qalasynda 13 saǵat 23 mınýtta jetedi. Keri baǵyttaǵy jolǵa ketetin ýaqyt 13 saǵat 06 mınýt. Jolda poıyz Shý, Taraz, Shymkent jáne Arys-2 stansalaryna toqtaıdy.
Poıyz kestesi jolaýshylarǵa yńǵaıly jasalǵan. Almatydan poıyz jup kúnderi saǵat 21-59-da shyǵyp, Túrkistanǵa taq kúnderi saǵat 11-05-te jetedi. Al keri baǵytta poıyz Túrkistannan taq kúnderi saǵat 16-51-de jóneltilip, Almatyǵa jup kúnderi saǵat 06-23-te keledi.
