Almatydan túni boıy 4691 tekshe metr qar shyǵaryldy
ALMATY. QazAqparat - Almaty kommýnaldyq qyzmetteri túni boıy jaýǵan qardy tazalaýmen aınalysty, dep habarlaıdy QazAqparat tilshisi.
Qalalyq ákimdiktiń baspasóz qyzmetiniń habarlaýynsha, jaýǵan qardyń bıiktigi qalada 6 sm, taýly jerlerde 10 sm deıin jetti.
Qańtardyń 13-nen 14-ne qaraǵan túni 4691 tekshe metr qar shyǵaryldy.
Túngi ýaqytta joldarǵa muz eritetin 2800 tonna qospa sebildi.
Qar tazalaý jumystaryna túnde 534 arnaıy tehnıka, 2213 adam jumyldyryldy. Kúndiz qosymsha 603 tehnıka shyqty.
«Kazgıdromet» RMK boljaýynsha, qar 16 qańtarǵa deıin jaýady.
Aýdandyq ákimdikterde qar tazalaý jónindegi jumystardy baqylaý boıynsha táýliktik kezekshilik uıymdastyrylatyn boldy.
