Almatydan Tashkentke baǵyt alǵan ushaq qaıta oralýǵa májbúr boldy

Búgin Almatydan Tashkentke baǵyt alǵan ushaq áýejaıǵa qaıta oralýǵa májbúr boldy, oǵan tehnıkalyq aqaý sebep. Bul týraly QazAqparat «Air Astana» kompanııasynyń baspasóz qyzmetine silteme jasap habarlaıdy.

«17 qyrkúıete A320 ushaǵymen Almaty - Tashkent baǵyty boıynsha KS 127 reısin oryndaǵan kezde qozǵaltqyshtyń tehnıkalyq aqaýyna baılanysty ushaq ushyp shyǵý áýejaıyna oraldy. Qoný shtattyq rejıminde ótti. Jolaýshylar tamaqpen jáne sýsyndarmen qamtamasyz etildi. Reıs qazir rezervtik ushaqpen ushqaly jatyr», - delingen kompanııanyń resmı habarlamasynda.