Almatydan shyqqan ushaq Qyzylordaǵa qonýǵa májbúr boldy
ALMATY. QazAqparat - FlyArystan áýe kompanııasynyń Atyraýdan Almatyǵa ushqan ushaǵy Qyzylordaǵa májbúrli túrde qondy, dep habarlaıdy QazAqparat tilshisi.
«1 shilde kúni saǵat 07:00-de Atyraý-Almaty baǵytynda ushyp shyqqan KS7196 reısi jolaýshylardyń biriniń densaýlyǵynyń nasharlaýyna baılanysty Qyzylorda qalasynda májbúrli túrde qondy.
Jolaýshy Qyzylordadaǵy medıtsına mamandarynyń qaraýyna tapsyryldy.
Bortqa janarmaı quıyldy, endi ol Almatyǵa ushýǵa daıyndalyp jatyr», - dep habarlady áýe kompanııanyń baspasóz qyzmetinen.
Buǵan deıin FlyArystan áýe kompanııasynyń ushaǵy shuǵyl túrde Atyraýǵa qonǵan bolatyn.
