Almatydan shyqqan kólikter tekseriledi
ASTANA. QazAqparat - Almatyda aıyppuly bar júrgizýshilermen kúres bastalady. Bul týraly búgin Ortalyq kommýnıkatsııalar qyzmetindegi baspasóz máslıhatynda «Almaty qalasyn damytý ortalyǵy» AQ basqarma tóraǵasy Janna Tólegenova málim etti, dep habarlaıdy QazAqparat.
«Qaýipsiz qala baǵatyndaǵy sharalarǵa toqtalatyn bolsam, 2012 jyldan beri Almatyda joldaǵy qaýipsiz qozǵalystyń avtomatty júıesi jumys istep keledi. Qazirgi jol erejesin buzý faktilerin kameralar tirkeıtinin jáne aıyppul týraly málimet úıge baǵyttalatynyna barlyǵy úırenip qaldy. Osy arqyly júrgizýshi men polıtsııa qyzmetkerleriniń tikeleı baılanysy tómendeıdi. Búginde shaharda 70 qıylysta «stop» jolaǵynan asyp ketý, al 34 ýchaskede jyldamdyqty asyrý faktileri tirkeledi. Úsh jylda 2 mln. ereje buzý anyqtaldy. Atap aıtqanda, jobanyń birinshi jyly aıppuldardy tóleý deńgeıi tek 30 paıyzdy qurady, eki jylda júrgizýshilerdiń jaýapkershiligi eki esege artyp, búginde eseptelgen aıppuldardyń 60 paıyzǵa jýyǵy tólenýde. Degenmen de 40 paıyzy ótelmeı jatyr»,-dedi J. Tólegenova.
Osy oraıda ol kólik ıeleriniń bir bóligi Almatyda tirkelmegenin jáne olardy tabý qıyndaý ekenin atap ótti. Qazirgi kezde osy baǵytta tıisti sharalar atqarylýda. Sonymen qatar taǵy da joldyń152 ýchaskesin baqylaýǵa alý josparlanyp otyr.
«Atap aıtqanda, qala aýmaǵynan shyǵý jáne kirý qozǵalystaryn tirkeýge alý eskerilýde. Birneshe jyl buryn Astanada qaladan shyqqan kezde kólikterdi toqtatyp, jazylǵan aıppuldar tekserilgen edi. Aıppul boıynsha derekter naqtylan kezde kólik qaladan shyǵarylmaı, aıyp turaǵyna jetkizilip júrdi. Osyndaı sharany Almatyda da usynbaqpyz»,-dedi Tólegenova.
