Almatydan Seýlge jolǵa shyqqan 61 jolaýshy reısten túsirildi

ALMATY. QazAqparat - «Almaty - Seýl» reısiniń keı jolaýshylaryna reıske otyrýǵa ruqsat berilmedi, dep habarlaıdy QazAqparat tilshisi.

Air Astana áýe kompanııasynyń aqparatyna sáıkes, 8 maýsymda «Almaty-Seýl» reısiniń 61 jolaýshysyn shekara qyzmeti reıske jibermedi.

Jolaýshylardyń kópshiligi tólqujat baqylaýynan óte almady.

«2020 jyldyń 11 mamyryndaǵy QR Memlekettik shekarasyn kesip ótý tártibine sáıkes shetelge shyǵýǵa ımmıgratsııalyq vızasy bar jolaýshylar ǵana ruqsat ala alady. Olar emdelý maqsatynda shyǵýy múmkin. Sonymen qatar, F5 tıpindegi sol jaqta túpkilikti turýǵa ruqsat beretin vızasy barlar ǵana shetelge shyǵa alady» delingen habarlamada.

61 jolaýshy naqty osy tıptegi vızasy bolmaǵandyqtan shetelge shyǵa almaǵan.