Almatydan Senat depýtaty saılaýyna túsetinderdiń bári – áıelder
Vedomstvonyń málimetinshe, Almatydan Senat depýtaty saılaýyna túsetin úmitkerlerdiń barlyǵy áıelder. Olar: «Youthart» QQ dırektory Krıstına ıÝrevna Bekmýrzaeva (1991 jyly týǵan, ózin-ózi usynǵan), «Almaty memlekettik servıs jáne tehnologııalar kolledji» MKQK dırektori Jarkyn Lepesovna Janııazova (1967 jyly týǵan, ózin-ózi usynǵan), Almaty qalasy Jetisý aýdanynyń ákimi Gýlnara Ahmetjanovna Kókebaeva (1974 j, «Almaty qalasy Jetisý aýdany ákiminiń apparaty» kommýnaldyq memlekettik mekemesi, Almaty qalasy, ózin-ózi usynǵan), «Almaty qalasyn damytý ortalyǵy» AQ Basqarma tóraǵasynyń keńesshisi Janna Beısentaevna Asanova (1975 jyly týǵan, ózin-ózi usynǵan). Salalary boıynsha: 1 - memlekettik kommýnaldyq kásiporynnyń qyzmetkeri, 1 kandıdat - memlekettik qyzmetshi, 1-kommertsııalyq qurylymdardyń qyzmetkeri, 1-qoǵamdyq uıymnyń ókili.
Mamandyqtary boıynsha: zańgerler-2, ınjenerler-1, óner salasy-1. Bul rette 1 kandıdattyń eki mamandyǵy bar. Úmitkerlerdiń ortasha jasy 45.
«Saılaý komıssııasynda Almatyda kandıdattardy usyný 2022 jylǵy 29 qarashadan 14 jeltoqsan saǵat 18.00-ge deıin júzege asyryldy. Almaty qalasy boıynsha ózin-ózi usyný arqyly QR Parlamenti Senatynyń depýtattyǵyna 10 kandıdat usynylǵanyn habarlady. «Olardyń úsheýi Konstıtýtsııa men saılaý týraly Konstıtýtsııalyq zańnyń talaptaryna sáıkes kelmedi. Ekeýi tirkeý úshin qajetti qujattardyń tolyq tizimin usynbady. 2022 jyldyń 24 jeltoqsanynda tirkeýdiń aıaqtalý merziminiń sońǵy kúnine deıin barlyǵy 5 úmitker tirkelgen edi. Kandıdattardy tirkegennen keıin saılaý týraly Konstıtýtsııalyq zańda belgilengen tártipke saı, Almaty qalasynyń saılaý komıssııasy memlekettik kirister departamentine aktıvter men mindettemeler týraly málimetterdiń durystyǵyn tekserý týraly suraý joldaǵan bolatyn. Tapsyrylǵan deklaratsııa men ýákiletti organdardan alynǵan málimetterdiń sáıkes kelmeýine baılanysty Almaty qalasy Memlekettik kirister departamentiniń anyqtamasy negizinde 2022 jylǵy 25 jeltoqsanda 1 kandıdatty tirkeý týraly sheshimniń kúshi joıyldy. Osylaısha, 2023 jylǵy 5 qańtardaǵy jaǵdaı boıynsha Almaty qalasynan 4 kandıdat tirkeldi - J.B. Asanova, K.ıÝ. Bekmýrzaeva, J.L. Janııazova jáne G.A. Kókebaeva», - dedi vedomstvo.
Sondaı-aq Senat depýtattaryn saılaý janama jolmen júrgiziledi, ıaǵnı oǵan barlyq halyq qatyspaıdy. Senat depýttaryn barlyq óńirdegi máslıhattardyń depýtattary saılaıdy.
Eske salaıyq, 2023 jyldyń 14 qańtarynda elimizdiń 20 óńirinen bir-bir Senat depýtatyn saılaý ótedi.
Aıta ketsek, Senat depýtattyǵyna kandıdattardyń 95,5%-y ózin-ózi usynǵan.
