Almatydan Nur-Sultanǵa bet alǵan ushaq qozǵaltqyshyna qustar túsken
NUR-SULTAN. QazAqparat – Almatydan Nur-Sultanǵa ushyp bara jatqan ushaqtyń qos qozǵaltqyshyna qustar kirip ketken. QazAqparat bul týraly Air Astana kompanııasynyń baspasóz qyzmetine silteme jasap habarlaıdy.
«Ekıpaj málimetinshe, ushaq qonýǵa bet alǵan kezde qos qozǵaltqyshqa qustar túsken. Airbus A320 áýe kemesi tamyzdyń 28-inen 29-yna qaraǵan túni KS955 «Almaty – Nur-Sultan» reısin oryndap kele jatqan.
Qoný shtatty rejımde ótti. Ushý aıaqtalǵannan keıin tekseretin ınspektsııa qozǵaltqyshqa qustardyń kirgenin rastady», - delingen avıakompanııa málimetinde.
Eske salaıyq, buǵan deıin Air Astana avıakompanııasynyń «Ystanbul –Almaty» baǵytyndaǵy ushaq qozǵaltqyshyna qustar túsip ketken bolatyn.
Birer kúnnen keıin atalǵan áýe kompanııanyń «Nur-Sultan –Almaty» reısindegi ushaq qozǵaltqyshynan qus izderi taǵy tabyldy.
