Almatydan Qostanaıǵa ushyp shyqqan ushaq áýejaıǵa oralýǵa májbúr boldy
ALMATY. QazAqparat – Almatydan Qostanaıǵa ushyp shyqqan FlyArystan áýe kompanııasynyń borty áýejaıǵa qaıtyp oraldy, dep habarlaıdy QazAqparat tilshisi.
Áýe kompanııasy ushaqtyń nelikten qaıtyp oralǵanyna qatysty túsinik berdi.
«FlyArystan áýe kompanııasynyń Almaty-Kostanaı baǵytyndaǵy KS7141 reısiniń oryndalýy barysynda dabyl belgisi oınap, ushaqta aqaýdyń bary týraly habarlama keldi. Tehnıkalyq reglamentke sáıkes sapardy jalǵastyra berýge bolar edi. Alaıda áýe kompanııasynyń sheshimimen Qostanaıdaǵy áýejaıda ınjenerlik-tehnıkalyq qyzmet bolmaǵandyqtan bortty qaıtarý týraly sheshim qabyldandy. Qazirgi ýaqytta áýe kemesi ary qaraı paıdalanýǵa jiberildi. Jumys ýaqyty boıynsha shekteýlerge baılanysty ushaqtyń eıpajy aýystyryldy», - dep habarlaıdy áýe kompanııasynyń baspasóz qyzmetinen.
