Almatydan Qostanaıǵa ushpaq bolǵan ushaq áýejaıǵa qaıta oralýǵa májbúr boldy
ALMATY. QazAqparat – Almatydan Qostanaıǵa ushyp shyqqan FlyArystan áýe kompanııasynyń borty áýejaıǵa qaıta oraldy, dep habarlaıy QazAqparat tilshisi.
Áýe kompanııasynyń baspasóz qyzmeti oqıǵanyń sebep-saldaryn anyqtady.
«FlyArystan áýe kompanııasynyń Almaty-Qostanaı baǵytyndaǵy KS7141 áýe reısinde aqaý bar ekendigi jónindegi habar túsken. Tehnıkalyq reglament talaptary boıynsha, ushaqqa ushýdy jalǵastyrýa berýge bolatyn edi. Alaıda, áýe kompanııasy ushaqty Almaty áýejaıyna qaıtarý qajet degen sheshim qabyldady. Óıtkeni Qostanaı áýejaıynda ınjenerlik-tehnıkalyq qyzmet joq. Qazirgi tańda ushaq odan ári paıdalanýǵa jiberildi. Ekıpaj músheleri jumys ýaqytynyń aıaqtalýyna baılanysty aýystyryldy»,-delingen áýe kompanııasynyń málimetinde.
Elaman Turysbekov
