Almatydan qajylyqqa 450 adam attanyp ketti
ALMATY. 8 qarasha. QazAqparat /Erbol Azanbek/ - Qazaqstannan qajylyqqa attaný sapary jalǵasýda. Búgin Almatydaǵy Ortalyq meshitte QR Musylmandary dinı basqarmasynyń (QR DMB) tóraǵasy, Bas múftı Ábsattar qajy Derbisáliniń qatysýymen qajylyqqa barýshylardyń kezekti tobyn shyǵaryp salý rásimi ótti.
Shara barysynda Bas múftı men QR DMB ókilderi qajylyq barysynda oryndalatyn amal-sharttar men qajylyq erejesin túsindirdi. Qajylyqqa nıet etýshilerdiń suraqtaryna jaýap berdi. Esterińizge sala keteıik qajylyqqa nıet etkenderdiń alǵashqy toby 24 qazan kúni attanyp ketken bolatyn. Búgingi toppen 450 adam attanady. Qalǵandary 9-10 qarasha kúnderi ushpaq.
Bas múftıdiń aıtýynsha, aǵymdaǵy jyly Qazaqstan tarapyna 4 myń adamǵa kvota berilgen. «Qazirgi kezde shamamen 3800 adam qajylyqqa attanyp barady. Bularǵa 17 týrıstik kompanııa qyzmet kórsetedi. Qazirge deıin 15 kompanııa óz adamdaryn attandyryp boldy. Qalǵan eki kompanııa aldaǵy eki kúnde nıet etýshilerdi Saýd Arabııasyna jetkizedi»,- dedi Bas múftı. Onyń aıtýynsha, bıyl da qajylyq sapary barysynda nıet etýshilerdiń densaýlyǵyn dárigerler baqylaıtyn bolady.
