Almatydan qaıyrymdylyq kerýeni sý tasqynynan zardap shekken aımaqqa bet aldy
ALMATY. Naýryzdyń 18-i. QazAqparat /Názıra Eleýhan/ - Almaty oblysy, Aqsý aýdanynda sý tasqynynan zardap shekkenderge Almaty qalasyndaǵy tórt saýda ornynda, Taldyqorǵan jáne Qapshaǵaı qalalarynda 5 kún boıy ótken aktsııadan 4,5 myń ár túrli qajetti zattar, jyly kıimder jınaldy.
Bul týraly búgin aktsııany uıymdastyrýshylar habarlady.
Olardyń aıtýynsha, kómek tasqyn týraly aqparatty alǵan ýaqyttan bastap uıymdastyrylǵan. Bes kúnniń ishinde saýda ortalyqtary men arnaıy bólingen oryndarda eriktiler turyp, kómek kórsetem deýshilerden barlyq zattardy qabyldady. Búgin, arnaıy júk kólikteri shatyrly qalashyqqa zattardy jetkizý úshin bet alyp ketti.
Budan bólek, aktsııa aıasynda «Medicus Centre» kompanııasy qajetti dári-dármekterdi usynǵan. Sondaı-aq, atalmysh kompanııa ujymy men «Interfood» kompanııasy kıim-keshek, ydys-aıaq túrinde qosymsha kómek jınap, gýmanıtarlyq kómektiń negizgi júgine tapsyrǵan.
