Almatydan «Búkilálemdik úılesimdilik júgirisi» estafetasy ótedi
ALMATY. Shildeniń 3-i. QazAqparat /Erbol Azanbek/ - Shildeniń 4-i kúni Almatyda Almaty-Bishkek tas joly boıyndaǵy qala shekarasynan bastap, Raıymbek dańǵyly - Saın kóshesi - Abaı dańǵyly - Naýryzbaı batyr kóshesi - Sátbaev kóshesinen Respýblıka alańyna deıin «Búkilálemdik úılesimdilik júgirisi» estafetasy ótedi.
Atalǵan alaý estafetasy bıylǵy jylǵy sáýirdiń 24-i kúni Japonııanyń Hırosıma qalasynan bastalǵan bolatyn. Qyrkúıektiń 27-i kúni Máskeýge jetip, aıaqtalady. Bul kúni estafetanyń eýropalyq qatysýshylary da Máskeýge keledi. Eýropalyq alaý estafetasy aqpannyń 26-sy kúni Irlandııa astanasy Dýblınde bastalǵan bolatyn. Estafetanyń azııalyq bóliginiń uzyndyǵy 23 myń shaqyrym.
Halyqaralyq «Búkilálemdik úılesimdilik júgirisi» estafetasyn 1978 jyly belgili gýmanıst, fılıosof Shrı Chınmoe uıymdastyrǵan bolatyn.
