Almatydan bir túnde 3500 sharshy metrden astam qar shyǵaryldy
ALMATY. QazAqparat - Almatyda ótken túnde qaladan 3587 sharshy metr qar shyǵaryldy. Ol úshin qosymsha 129 dana júk kólikteri tartyldy, dep habarlaıdy QazAqparat.
Qalalyq Tabıǵı resýrstar jáne tabıǵatty paıdalanýdy retteý basqarmasynyń málimetteri boıynsha, qardyń qalyńdyǵy 30 sm-di, qalalyq jerlerde 50 sm-di qurady. «Qardyń shekten tys kóp túsýine baılanysty jeltoqsannyń 23-i men 24-i aralyǵynda qalany qardan tazartý jáne qum tóseý jumystary júrgizildi. Barlyǵy 7886 tonna muz eritetin materıaldar qoldanyldy»,-dep habarlady basqarma ókilderi.
Bul baǵyttaǵy jumystarǵa 516 dana tehnıka qoldanyldy, olardyń 127-i qum tóseýshiler. Jolda jumys isteýshilerdiń sany 1600-den asyp ketti.
«Qaziri tańda basta nazar jol jıekteri men aıaldamalardy, jol boıyndaǵy kólik turatyn oryndardy tazalaýǵa arnalyp otyr. Qaladaǵy aýdandardyń ákimdikterinde táýlik boıyna tazalyq pen qar shyǵarý jumystaryn qadaǵalaıtyn kezekshilikter qoıylǵan»,-delingen vedomstvo málimetterinde.
