Almatydan bastalǵan velomarafon Tarazǵa jetti

«Qazaqstannyń 100 jańa esimi» jobasynyń jeńimpazdary men kórý qabileti nashar jáne múmkindigi shekteýli velosıpedshiler qatysqan velosapar 4-shi ret ótkizilip otyr

Elimizde salaýatty ómir saltyn nasıhattap, paralımpıadalyq sporttyń damýyna yqpal etýge baǵyttalǵan shara bıyl da jalǵasyn tapty.

«Bul jobanyń negizgi maqsaty – múmkindigi shekteýli jandardyń qolynan bári keletininin kórsetý. Onyń birden-bir joly – sport. Sport arqyly óz-óziniń múmkindigin kórsete otyryp, jetistikterge jete alady», - deıdi uıydastyrýshylardyń biri Kenjeǵul Sotsıaluly.

Іs-sharaǵa qatysýshylardyń biri – Aızere Toqtaǵazy. Ol karate-do sport túrinen jasóspirimder arasynda álem chempıony. Dostarymen birge osy marafonǵa qatysyp jatqan sportshylarmen júzdesýge kelgen jas sportshy múmkindigi shekteýli jandardyń qaırat jigerine tánti bolǵanyn aıtady. Ózi bolashaqta el maqtanyshy, tarazdyq áıgili sportshy Zúlfııa Gabıdýllına sekildi álemdik doda shyńyn baǵyndyrýdy maqsat etedi.

Velomarafon qatysýshylary ekologııalyq týrızmdi damytý arqyly, velosıpedti ekologııalyq taza kólik túri retinde paıdalanýdy jáne qorshaǵan ortany qurmetteýdi usyndy.

Tarazdan keıin qatysýshylar kórshiles Túrkistan oblysyna attandy.