Almatydan basqa Qazaqstannyń barlyq qalalarynda azyq-túlik ýaqtyly jetkiziledi

NUR-SULTAN. QazAqparat - Qazaqstan Respýblıkasy saýda jelileri Odaǵy qazaqstandyqtarǵa úndeý jasady, dep habarlaıdy QazAqparat.

Almatydan basqa Qazaqstannyń barlyq qalalarynda azyq-túlik saýda jelileriniń qyzmeti qalypty rejımde júzege asyrylady (komendanttyq saǵatqa baılanysty ýaqyt boıynsha jumystyń shekteýlerin eskere otyryp). Almatyda olardyń qyzmeti tez arada qaıta bastalady dep úmittenemiz.

Qazirgi ýaqytta Magnum saýda jelisi Almatyda eki sýpermarket ashý múmkindigin qarastyrýda. Ashylý merzimi kúsh qurylymdarynyń jáne óz áskerılendirilgen kúshteriniń sýpermarketterge kelýshiler men qyzmetkerlerdiń tolyq qaýipsizdigin qamtamasyz etý kepildikterine baılanysty bolady.

Belsendi terrorızmge qarsy is-qımyldarǵa baılanysty Almatydan basqa barlyq óńirlerde jetkizýde úzilister joq. Saýda jelilerinen alynǵan aqparat boıynsha azyq-túlik taýarlaryn jetkizýshiler baǵanyń ózgergeni týraly habarlaǵan joq.

Saýda jelileri Almaty, Taldyqorǵan, Taraz qalalaryndaǵy maroderlerdiń is-áreketi nátıjesinde keltirilgen eleýli zalaldy óteýde memlekettiń kómegine úmittenedi.