Almatydan basqa barlyq óńirde jan basyna shaqqandaǵy tabys artty
NUR-SULTAN. QazAqparat – 2020 jyldyń ekinshi toqsanynda Qazaqstan óńirlerinde jan basyna shaqqandaǵy kiris kólemi artty. Tek Almaty qalasynda ol 4,5%-ǵa tómendegen.
«Eńbek resýrstaryn damytý ortalyǵy» AQ-nyń málimetinshe, degenmen de, Almaty men Nur-Sultannyń naqtyly mándegi tabys deńgeıi eldegi eń joǵary bolyp qalýda – sáıkesinshe 224,3 myń jáne 241,3 myń teńge.
Taldaý barysynda jan basyna shaqqandaǵy kiristiń eń joǵary jáne eń tómengi ósimi bar óńirler anyqtalǵan. Tabysy ósken óńirler: Aqmola (16,1%), Qyzylorda (14,2%) jáne Túrkistan (12,8%) oblystary. Bul rette, Qyzylorda men Túrkistan oblystarynyń jan basyna shaqqandaǵy ortasha tabysy respýblıkalyq kórsetkishten tómen bolyp otyr. Kórsetkishter sondaı-aq Jambyl oblysy men Shymkent qalasynda tómen ekendigi anyqtalǵan.
Al respýblıkalyq deńgeıden asatyn kórsetkishter Nur-Sultan men Almaty qalalarynda, Qaraǵandy, Mańǵystaý jáne Shyǵys Qazaqstan oblystarynda tirkeldi.
Jalpy, halyqtyń ortasha jan basyna shaqqandaǵy aqshalaı tabysy 2020 jyldyń ekinshi toqsanynda ótken jyldyń sáıkes kezeńimen salystyrǵanda 7,6% ósti jáne QR Ulttyq ekonomıka mınıstrligi Statıstıka komıtetiniń málimeti boıynsha 182,5 myń teńgeni qurady.
