Almatydan Bakýge tikeleı avıareıs qatynaı bastady

ASTANA. QazAqparat – Almaty men Ázerbaıjan astanasy Baký arasynda tikeleı áýe reısi ashyldy, dep habarlaıdy QazAqparat.

Málim etilgendeı, avıareıs QR Mádenıet jáne sport mınıstrliginiń qoldaýymen jáne belsendi aralasýymen iske qosylyp otyr.

«Ázerbaıjan áýejoldary» avıakompanııasynyń ushaqtary Bakýden Almatyǵa aptasyna eki ret — seısenbi jáne juma kúnderi uıymdastyrylady.

Sondaı-aq 16 naýryzdan «Ázerbaıjan áýejoldary» avıakompanııasy dúısenbi jáne beısenbi kúnderi Bakýden Astanaǵa, al seısenbi jáne juma kúnderi Astanadan Bakýge saparyn bastap ketken bolatyn.

«Almaty - Ortalyq Azııanyń eń iri, eń damyǵan jáne tartymdy týrıstik baǵyttarynyń biri jáne Ázerbaıjan avıakompanııasynyń ókilderi bul pikirdi qoldaıdy. Bizdiń mınıstrlik basqa eldermen tikeleı áýe reısteriniń sanyn arttyrý boıynsha jumysty jalǵastyrady», - dep atap ótti Týrızm ındýstrııasy komıtetiniń tóraǵasy Dastan Ryspekov.