Almatydan 76 km qashyqtyqta jer silkindi
ALMATY. QazAqparat – QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM seısmıkalyq stansalar jelisi 30 mamyr saǵat 05.27- de jer silkinisin tirkedi, dep habarlaıdy QazAqparat.
Jerasty dúmpýiniń oshaǵy Almaty qalasynan 76 shaqyrym qashyqtyqta Qyrǵyzstan aýmaǵynda ornalasty.
Energetıkalyq sanaty – 9,7. MPV magnıtýdasy – 4,0. Tereńdigi – 5 shaqyrym. MSK-64 baǵany boıynsha sezilý týraly málimet túspegen.
Aıta keteıik, keshe Almaty qalasynan soltústik-shyǵysqa qaraı 204 shaqyrym jerde, Qazaqstan aýmaǵynda jer silkingen bolatyn. Energetıkalyq sanaty – 8,8. MPV terbelisi – 4,5. Tereńdigi – 25 shaqyrym.
