Almatydan 500 shaqyrym qashyqtyqta jer silkindi

ALMATY. QazAqparat – Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS-niń seısmıkalyq stansalar jelisi 25 maýsym kúni Almaty ýaqytymen saǵat 2:51-de jer silkinisin tirkedi, dep habarlaıdy QazAqparat.

«Jerasty dúmpýiniń oshaǵy Qazaqstan aýmaǵynda, Almatydan soltústik-shyǵysqa qaraı 500 shaqyrym qashyqtyqta ornalasqan. Energetıkalyq sanaty – 10.7. MPV magnıtýdasy – 4,6. Epıoshaq koordınattary – 47.05° s.e. 80.20° sh.b. Tereńdigi – 5 km. MSK-64 shkalasy boıynsha sezilýi týraly aqparat joq», - delingen habarlamada.