Almatydan 495 shaqyrym jerde 4,9 baldyq jer silkinisi boldy
ASTANA. QazAqparat - Almaty qalasynan ońtústik-batysqa qaraı 495 shaqyrym jerde, Qytaı aýmaǵynda magnıtýdasy 4,9 jer silkinisi boldy.
2016 jyldyń 7 naýryzynda Almaty ýaqytymen saǵat 09:57-de (Grınvıch boıynsha 2016 jyldyń 7 naýryzy, saǵat 03:57) jer silkinisi tirkelgen. Zilzala oshaǵy Almaty qalasynan 495 shaqyrym jerde, Qytaı aýmaǵynda ornalasqan. Jer silkinisiniń energetıkalyq klasy - 10,5. MPV magnıtýdasy - 4,9. Tereńdigi - 30 shaqyrym. Baıqalýy týraly (MSK-64 shkalasy boıynsha) málimetter joq», - delingen «QR BǴM UK STÁE» MM-niń Seısmıkalyq stansalar jelisiniń habarlamasynda.
