Almatydan 450 km jerde taǵy jer silkindi

ALMATY. QazAqparat - QR Tótenshe jaǵdaılar mınıstrliginiń seısmologııalyq tájirıbe-ádistemelik ekspedıtsııasy 22 aqpan kúni Almaty ýaqytymen saǵat 16.32-de jer silkinisin tirkedi, dep habarlaıdy QazAqparat.

«Zilzala oshaǵy ońtústik-shyǵysqa qaraı Almatydan 450 shaqyrym qashyqtyqta Qytaı aýmaǵynda boldy. Jer silkinisiniń energetıkalyq sanaty - 10.3. MPV magnıtýdasy - 4.5. Tereńdigi - 10 km. Sezilýi týraly aqparat joq», - delingen habarlamada.
Aıta keteıik, búgin saǵat 16.25-te Almatydan ońtústik-shyǵysqa qaraı 439 shaqyrym qashyqtyqta Qytaı aýmaǵynda jer silkinisi tirkelgen bolatyn.