Almatydan 413 shaqyrym qashyqtyqta jer silkindi
ASTANA. QazAqparat - QR BǴM «Seısmologııalyq tájirıbe-ádistemelik ekspedıtsııasynyń» seısmıkalyq stansalar jelisi 2018 jyldyń 21 qarashasynda Almaty ýaqytymen 19 saǵat 02 mınýt 45 sekýndta jer silkinisin tirkedi, dep habarlaıdy QazAqparat.
«Zilzalanyń epıtsentri Almaty qalasynan ońtústik-shyǵysqa qaraı 413 shaqyrym jerde - Qytaı aýmaǵynda ornalasqan. Energetıkalyq sanaty - 11.0. MPV magnıtýdasy - 4.8. Epıtsentriniń koordınattary 41.65° s.e. 81.46° sh.b. Tereńdigi - 10 km. MSK-64 baǵany boıynsha sezilý týraly málimetter joq», - delingen habarlamada.
