Almatydan 330 shaqyrym jerde 4,6 baldyq jer silkinisi tirkeldi
ASTANA. 14 maýsym. QazAqparat - Almatydan 330 shaqyrym jerde 4,6 baldyq jer silkinisi tirkeldi, dep habarlady Eýropalyq-Jerorta teńizi seısmıkalyq ortalyǵy.
Ortalyqtyń aqparatyna sáıkes, jerasty dúmpýi búgin astana ýaqyty boıynsha saǵat 09:08-de tirkelgen. 1 shaqyrymdyq tereńdikte bolǵan jer silkinisiniń oshaǵy Almatydan ońtústikke qaraı 330 shaqyrym jáne Qytaıdyń Kashı qalasynan soltústik-shyǵysqa qaraı 198 shaqyrym jerde bolǵan. Qırandylar men qaza tapqandar jaıynda aqparat joq.
Esterińizge sala keteıik, 2012 jyldyń 6 maýsymynda saǵat 13:26-da jer silkinisi boldy. Jer silkinisiniń oshaǵy Almaty qalasynan soltústik-shyǵysqa qaraı 263 shaqyrym jerde ornalasqan. Jarkent qalasynda 3-4 baldyq kúshi bar dúmpýler sezildi. Araǵa eki kún salyp Shymkent qalasynan 25 shaqyrym qashyqtyqta kúshi 4 baldyq jer silkinisi tirkeldi.
