Almatydan 317 km qashyqtyqta jer silkindi
ALMATY. QazAqparat – QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM seısmıkalyq stansalar jelisi 15 aqpan kúni saǵat 11.08-de jer silkinisin tirkedi, dep habarlaıdy QazAqparat.
Zilzalanyń oshaǵy Almaty qalasynan batysqa qaraı 317 km qashyqtyqta Qazaqstan aýmaǵynda ornalasty.
Energetıkalyq sanaty – 9,3. MPV magnıtýdasy – 4,2. Tereńdigi - 5 km. Sezilýi týraly aqparat (MSK-64 baǵany boıynsha) túsken joq.
Eske salaıyq, búgin saǵat 9:31-de QR BǴM «Seısmologııalyq tájirıbe-ádistemelik ekspedıtsııasy» MM seısmıkalyq stansalar jelisi Almaty qalasynan ońtústik-shyǵysqa qaraı 242 km qashyqtyqta bolǵan jer silkinisin tirkedi. Zilzala oshaǵy Qyrǵyzstan men Qytaı shekarasynda ornalasty.
