Almatydan 283 shaqyrym qashyqtyqta jer silkindi

ASTANA. QazAqparat - QR BǴM «Seısmologııalyq tájirıbe-ádistemelik ekspedıtsııasynyń» seısmıkalyq stansalar jelisi 2018 jyldyń 2 jeltoqsanynda Almaty ýaqytymen 17 saǵat 50 mınýt 42 sekýndta jer silkinisin tirkedi, dep habarlaıdy QazAqparat.

«Zilzalanyń epıtsentri Almaty qalasynan ońtústik-shyǵysqa qaraı 283 shaqyrym jerde - Qytaı aýmaǵynda ornalasqan. Energetıkalyq sanaty - 9.8. MPV magnıtýdasy - 4.5. Epıtsentriniń koordınattary 40.85° s.e. 78.19° sh.b. Tereńdigi - 10 km. MSK-64 baǵany boıynsha sezilý týraly málimetter joq», - delingen habarlamada.