Almatydan 243 shaqyrym qashyqta jer silkindi

NUR-SULTAN. QazAqparat – QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM-niń seısmıkalyq stansalar jelisi 4 maýsymda saǵat 6:12-de jer silkinisin tirkedi, dep habarlaıdy QazAqparat.

Zilzalanyń oshaǵy Almatydan ońtústik-shyǵysqa qaraı 243 shaqyrym qashyqta Qyrǵyzstan men Qytaı shekarasynda boldy.

Energetıkalyq klasy 9.7. Terbelisi 3.7 MPV. Tereńdigi 10 shaqyrym.

Jer dúmpýi Almatyda sezilmedi.

Eske sala ketsek, Qazaqstanda jer silkinisi jıi bolatyn aımaqtarda 7 mıllıonǵa jýyq halyq turady. Elimizde seısmıkalyq aýdandar shamamen 475 myń sharshy shaqyrymdy alyp jatyr. Qarqyndylyǵy 6 jáne odan joǵary zilzalaǵa ushyraǵan aýdandar el aýmaǵynyń 42,9 paıyzy.

Jer silkinisi jıi bolatyn aımaqtardyń ishinde 9 baldyq aýmaqta 2 mln adam (Almaty qalasynda – 1,8 mln), 8 baldyq aýmaqta – 1,1 mln, 7 baldyqta 2 mln jáne 6 baldyq aýmaqta 1,2 mln turady.