Almatydan 203 myń tonna turmystyq qaldyq shyǵaryldy
ALMATY. QazAqparat - Almatyda qatty turmystyq qaldyqtardy jınaý jáne shyǵarý qyzmetin 25 uıym kórsetedi. Bul týraly óńirlik kommýnıkatsııalar qyzmetiniń brıfınginde Almaty qalasy ekologııa jáne qorshaǵan orta basqarmasy basshysy orynbasarynyń mindetin atqarýshy Sergeı Gerasımenko aıtty, dep habarlaıdy QazAqparat tilshisi.
Spıkerdiń aıtýynsha, kommýnaldyq qaldyqtardy jınaý úshin 1454 konteıner alańy bar, onda 8 003 konteıner ornatylǵan.
«Barlyq jınalǵan qaldyqtar qoqys suryptaý keshenine shyǵarylady jáne ary qaraı óńdeý men kómýge jiberiledi», - dedi Sergeı Gerasımenko.
Aǵymdaǵy jyldyń birinshi jartyjyldyǵynda shyǵarylǵan qaldyqtardyń kólemi 203 myń tonna, óńdelgeni – 33 myń tonna, óńdeý úlesi – 16,6 paıyzdy qurady.
Ekologııa jáne qorshaǵan orta basqarmasynyń ókili habarlaǵandaı, qatty turmystyq qaldyqtardy óńdeý qazir qajetti kólem men sapada az júzege asyrylady.
Qaldyqtardy qaıta óńdeý boıynsha kórsetkish tek 17% - dy quraıdy. Qaldyqtardyń qalǵan 83%-y polıgonǵa kómýge jiberiledi.
Spıker uzaq merzimdi damýdyń sheńberinde 2030 jylǵa deıin qaıta óńdeý tereńdigin taǵy 30-40%-ǵa arttyrý úshin RDF (Refuse-derived fuel) otyn óndirý zaýytyn salý josparlanǵanyn habarlady.
Onyń aıtýynsha, 2025 jylǵa deıin qoqys qabyldaý oryndarynyń sanyn 100 birlikke deıin, torly konteınerlerdi 3000 birlikke deıin ulǵaıtý josparlanýda.
