Almatydaǵy zoobaqtyń qashan ashylatyny belgili boldy

«Eki jarym aı boıy Almaty zoobaǵy jabyq bolatyn. Zoobaq qyzmetkerleri janýarlardy ekstremaldy rejımde qorektendirip, tazalap jumys istedi. Sondaı-aq, karantın janýarlar tóldeıtin ýaqytqa tuspa-tus keldi. Tek osy aralyqtyń ózinde 70-ke jýyq balapan shyqty», - dedi Almaty zoobaǵynyń dırektory Seıilhan Aqylbekov.

Ásirese, 8 jyldan beri urpaq órbitpegen qozyqumaı qusy bıyl balapan shyǵardy.

Aıta ketý kerek, álemde tuńǵysh ret 1972 jyly Almaty zoobaǵynda qozyqumaıdan balapan shyqqan.

Belgisiz sebepterge baılanysty bul qus 8 jyldan beri balapan órbitpegen.

«Bıyl aqpannyń sońynda eki balapan shyqty. Tuıaqtylar bóliminde 3 bóken, teńbil buǵy, túıe, ponı, karlık qoılar tóldedi. Almaty zoobaǵy tarıhynda birinshi ret harza týdy. Biz 3 kúshik týdy dep tuspaldap otyrmyz. Qazir ázirge kórsetpeıdi. Keıinirek olardy tamashalaıtyn bolamyz», - dedi zoobaq dırektory.

Byltyr týǵan Avstralııa esimdi qabylannyń kúshigi de ósip qaldy. Djım esimdi gıbbon da 1 jasqa keldi.

Bul ǵajaıyptardyń barlyǵyn 6 maýsymda tamashalaýǵa bolady. Sebebi, zoobaq 2 aı úzilisten soń ashylady.

Zoobaqqa kireberiste dezınfektsııalyq dáliz ornatylǵan. Antıseptıkter, sanıtaızerler bar.

Foto: Mıhaıl Sorokoýmov