Almatydaǵy zırattarǵa 11 mamyrdan bastap barýǵa ruqsat etildi
ALMATY. QazAqparat - Almatydaǵy zırattar 11 mamyrdan bastap kópshilik úshin ashyq bolady. Bul aqparatty Almaty qalasy sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov rastady, dep habarlaıdy QazAqparat tilshisi.
«Iá, 11 mamyrda qaladaǵy zırattar kópshilikke úshin ashyq bolady, - dep jaýap berdi Sádýaqas Baıǵabylov.
Buǵan deıin, Almaty qalalyq sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın Almatydaǵy zırattar 1-10 mamyr aralyǵynda jabyq bolatynyn málim etken edi.
«Biz dál osy kúnderi zırattarǵa barýdy shekteý týraly sheshim qabyldaımyz», - degen bolatyn Jandarbek Bekshın.
Aıta keteıik, bıyl ata-ana kúni 11 mamyrǵa sáıkes keledi. Bul qaıtys bolǵandardy eske alý kúni. Bul rásim Pashadan keıin atap ótiledi.
