Almatydaǵy jylý qubyrlarynyń 60 paıyzy tozǵan
ALMATY. QazAqparat- Almatydaǵy jylý qubyrlarynyń 60 paıyzy tozǵan. Bul týraly Óńirlik kommýnıkatsııalar qyzmetiniń brıfınginde «Almaty jylý jelileri» JShS bas ınjeneri Danııar Qazymbetov aıtty, dep habarlaıdy QazAqparat tilshisi.
Spıkerdiń sózinshe, 2022-2023 jyldardaǵy jylý berý kezeńinde 1352,33 shaqyrym jylý jelileri aldyn ala daıyndaldy.
«Almatydaǵy jylý jelileriniń 60%- y eskirgen. Olar paıdalanýǵa osydan 25 jyl buryn berilgen bolatyn. Bıyl 4,7 shaqyrym jylý jelileri qaıta jańǵyrtyldy. Jylý jelilerin rekonstrýktsııalaý esebinen, olardyń tozýyn 0,3%-ǵa deıin tómendetýge qol jetkizdik. 2023 jyly 17,2 shaqyrym jylý jelilerin rekonstrýktsııalaýdy josparlanyp otyrmyz»,- Danııar Qazymbetov.
Onyń aıtýynsha, qazir jylytý maýsymy qalypty jaǵdaıda ótýde, temperatýralyq jáne gıdravlıkalyq rejım saqtalýda. «Megapolıste jylytý maýsymy 17 qazanda bastalǵan bolatyn. Kommýnaldyq mekemeler 8467 kópqabatty turǵyn úıdi, 216 mektepti, 197 balabaqshany, 129 aýrýhanany tekserip, jylytý maýsymy bastalmas buryn aldyn ala daıyndyq jumystaryn júrgizdi»,- dedi ol.
Eske salaıyq, keshe Almaly aýdanynda Gogol kóshesinen tómen Sháripov kóshesiniń boıynda qubyr jarylǵan edi. Kommýnaldyq apat saldarynan 67 kóppáterli jáne 2 jeke úı, 6 bilim nysany jáne 20-dan astam basqa nysandar ýaqytsha jylýsyz qalǵan bolatyn.
