Almatydaǵy jyl saıyn tirkeletin tótenshe jaǵdaılardyń 85-90 paıyzyn órt oqıǵalary quraıdy - TJM
ANA. 27 mamyr. QazAqparat /Aıdar Ospanalıev/ - Almatyda jyl saıyn tirkeletin tótenshe jaǵdaılardyń 85-90 paıyzyn órt oqıǵalary quraıdy.
Bul derekterdi búgin Tótenshe jaǵdaılar mınıstri Vladımır Bojko Parlament Senatynda ótken «Óńir» depýtattyq tobynyń májilisinde aıtty.
Almatyda barlyǵy 13 órtke qarsy kúres bólimi bar. Olar qalanyń tek 50 paıyzynyń ǵana qaýipsizdigin qamtamasyz etýge qaýqarly. «Alyp shaharda qaýipsizdikti tolyq qamtamasyz etý úshin 26 órtke qarsy kúres bólimderi bolýy tıis. Sondaı-aq Astanada osyndaı 20 bólim qajet bolsa, bizde bary -10. Men bul týraly 4 jyl boıy aıtyp kelemin. Árıne, bul baǵytta azdaǵan ilgerileýshilikter bar. Bıylǵy jyly biz Almaty men Astanada órtke qarsy kúres depolardyń qurylysyn bastadyq. Bıyl ol birdi-ekili ǵana bolsa, kelesi jyly olardyń sany birshama arta túsedi. Osy baǵyttaǵy jumystarǵa depýtattar belsendi kómek kórsetse eken», - dedi mınıstr.
