Almatydaǵy jumysyna oralatyn oblys turǵyndary 14 kún karantınde bolady
ALMATY. QazAqparat– Almatydaǵy jumysyna oralatyn oblys turǵyndary 14 kúndik karantınde bolýy kerek. Bul týraly Almaty qalalyq Kásipkerlik jáne ınvestıtsııalar basqarmasynyń basshysy Erkebulan Orazalın brıfıng barysynda aıtty, dep habarlaıdy QazAqparat tilshisi.
«Almaty oblysy turǵyndaryn qalaǵa kirgizý máselesi talqylanǵan. Eń aldymen olar 14 kúndik karantın tártibin saqtaýy tıis. Tek sodan keıin ǵana jumysqa jiberiledi. Sonymen qatar, kásiporyn basshylyǵy jumysshylardyń turatyn jerin sheship berýi kerek. Óıtkeni, olar qalaǵa emin-erkin kirip-shyǵa almaıdy»,– deıdi Erkebulan Orazalın.
