Almatydaǵy jumysshynyń ólimi: Ákimdik qaıǵyly jaǵdaıǵa túsinik berdi
ALMATY. QazAqparat - Almaty qalasynyń Naýryzbaı aýdany ákimdigi qubyr tóseý kezinde qaza tapqan jumysshyǵa qatysty túsinikteme berdi, dep habarlaıdy QazAqparat tilshisi.
Naýryzbaı aýdany ákiminiń málimetinshe, jumysshy qubyr tóseý jumystaryna jaldanǵan.
«Er adam tehnıkalyq qaýipsizdikti saqtamaý saldarynan mert boldy. Manıpýlıatordyń jebesi elektr jelisine tıip ketken. Biz marqumnyń otbasyna qaıǵyryp kóńil aıtamyz, aýdan ákiminiń apparaty jan-jaqty kómek kórsetedi», - dep habarlady ákimdikten.
Sonymen qatar, ákimdik keshe «Aqjar» yqshamaýdanynda tehnıkalyq sýmen jabdyqtaý júıesin qaıta qalpyna keltirý jumystary júrgizlgenin atap ótti.
Buǵan deıin Almaty qalasynyń Naýryzbaı aýdany, «Aqjar» shaǵynaýdanynda aýyzsý qubyryn tartyp jatqan kezde jumysshy mert bolǵanyn jazǵan bolatynbyz.
Foto: facebook.com/Elıa Býlatovna