Almatydaǵy jumysshy ólimi: Polıtsııa túsinik berdi
ALMATY. QazAqparat - Almatydaǵy qurylysshy ólimine qatysty polıtsııa túsinik berdi, dep habarlaıdy QazAqparat tilshisi.
Polıtsııanyń habarlaýynsha, oqys oqıǵa Abaı men Brýsılovskıı kósheleriniń qıylysynda salynyp jatqan úıde bolǵan.
«Jumysshy jerde dánekerleý jumystaryn jasap jatqan. Sol sátte kran beton qospasy quıylǵan ydysty kóterip kele jatyp, tross úzilip ketip, jumysshynyń ústine qulaǵan. Dánekerleýshi sol jerde kóz jumǵan»,- dedi qalalyq Polıtsııa departamentiniń baspasóz qyzmetinen.
Aıta ketý kerek, qaıǵyly oqıǵa týraly munyń aldynda habarlaǵan bolatynbyz.
