Almatydaǵy «Juldyzdar matchyna» arnalǵan bıletterdiń quny belgili boldy
ASTANA. QazAqparat - «Qaırat» FK-nyń aty ańyzǵa aınalǵan fýtbolshylary men Álem quramasy tartysqa túsetin «Juldyzdar matchyna» arnalǵan bıletterdiń quny belgili boldy. Bul týraly búgin «Qaırat» fýtbol klýbynyń resmı saıtynda habarlandy.
Quralbek Ordabaev, Evstafıı Pehlevanıdı, Evgenıı ıArovenko, Sergeı Stýkashov, Vıktor Katkov, Vaıt Talgaev, Mıhaıl Gýrman, ıÝsýp Shadıev, ıÝrıı Konkov, Borıs Djýmanov, Vahıd Masýdov, Sergeı Klımov, Sergeı Volgın, Dmıtrıı Ogaı, Sergeı Kýlınıch, Vıtalıı Kafanov jáne klýbtyń basqa da qurmetti ardagerleri Álem quramasy fýtbolshylaryna qarsy oınaıdy.
Bul quramanyń sapynda Fabıo Kannavaro, Lýısh Fıgý, Andreı Shevchenko, Rıvaldo, Pol Skoýlz jáne ózge de tanymal oıynshylar bar.
«Juldyzdar matchy» 26 qyrkúıekte Almatynyń Ortalyq stadıonynda ótedi. «Osy ataýly sporttyq shara «Qaırat» FK-nyń mereıtoıy aıasynda josparlanyp otyr jáne ol klýbtyń 60 jyldyǵyn atap ótýdiń eń basty sharalarynyń biri bolmaq», - delingen taratylǵan málimette.
Atalǵan oıynnyń bıletterin 15 qyrkúıekten bastap Ortalyq stadıonnyń kassalarynan satyp alýǵa bolady. «Premium Vip» sanatyndaǵy bılettiń quny 40 myń teńgeni, «Vip» sanatynyń bıleti 20 myń teńgeni, D jáne E lojalaryna bir bılettiń baǵasy 10 myń teńge bolsa, batys trıbýnada - 7,5 myń, shyǵys trıbýnada - 5 myń, soltústik jáne ońtústik trıbýnalarda - 3 myń teńgeni quraıdy.
