Almatydaǵy joıqyn órt: Qoımanyń 3000 sharshy metr aýmaǵy janyp ketti
ALMATY. QazAqparat - Almatyda «baraholka» bazary mańynda tutanǵan órtke qatysty qosymsha málimetter belgili boldy, dep habarlaıdy QazAqparat tilshisi.
«Oqıǵa ornynda 21 tehnıka, 6 órt sóndirý kóligi, 78 adam, jumyldyryldy. Órt 15:05-te aýyzdyqtaldy. Tilsiz jaý 2950 sharshy metr aýmaqty sharpydy», - dedi QR ІІM TJK baspasóz qyzmetinen.
Aldyn ala aqparat boıynsha órtengen ǵımaratta qoımalar ornalasqan.
Aıta ketý kerek, «baraholka» mańynyń qoıý qara tútinge kómilgenin budan buryn habarlaǵan bolatynbyz.
Qalalyq TJD baspasóz hatshysy Sandýǵash Baımuhambetovanyń aıtýynsha, túski 13:41 shamasynda órt sóndirý qyzmetiniń kezekshi pýltine Jetisý aýdany, Moskvın kóshesi 7 mekenjaıyndaǵy ǵımarat órtenip jatqany týraly habarlama túsken.
