Almatydaǵy joldy abattandyrý úshin mıllıardqa jýyq teńge bólindi
ASTANA. QazAqparat - Almatydaǵy jaıaý júrginshiler joldaryn abattandyrý úshin shamamen mıllıard teńge jumsalmaq. Bul týraly Turksib invest forýmy aıasynda megapolıstiń avtomobıl joldary basqarmasynyń basshysy Maqsut Isahov habarlady.
«Bıyl joldardy jóndeý aıasynda Almaty qalasyndaǵy jaıaý júrginshiler jolyn abattandyrý úshin mıllıard teńgege jýyq qarjy bóldik. Jaıaý júrginshiler joldarynyń 15 myń sharshy metrin jańartýǵa nıettimiz», - dedi Maqsut Isahov.
«Jumys jalǵasatyn bolady», - dedi ol. Bıyl aqyly turaqtar sany 2 myńǵa, al, bolashaqta bul kórsetkishti 40 myń orynǵa jetkizý kózdelgenin aıtty.
«Aqyly turaq máselesin qarastyrǵanda men delegatsııamen Máskeýge bardym. Onda Qyzyl alań aýdanynda bir oryn quny 5 myń rýbldi quraıtyn parkıng (turaq) bar. Bizdiń aqshaǵa aýystyrǵanda bul - 25 myń teńge», - dedi ol.
