Almatydaǵy jolaıryqta birneshe kólik soqtyǵysty
ALMATY. QazAqparat - Almatynyń Momyshuly kóshesi men Raıymbek dańǵylynyń boıyndaǵy jolaıryqta qatarynan birneshe kólik soqtyǵysty, dep habarlaıdy QazAqparat tilshisi oqıǵa ornynan.
Momyshuly kóshesiniń boıymen Mercedes 211, manıpýlıator men Lada Samara kólikteri kele jatqan. Kýágerlerdiń sózinshe, osy ýaqytta qarsy baǵytta Mercedes markili taǵy bir kólik shyǵady. Ol qarsy jolaqqa shyǵyp ketip, Mercedes 211 kóligimen soqtyǵysyp, soqqynyń yqpalymen Lada-ny qaqqan da artynan manıpýlıatorǵa baryp soǵylǵan.
Tap osy jerde taǵy jolaýshylar avtobýsy men Toyota apatqa ushyrap, ony artynan Nissan markili kóligi soqqan. Kýágerlerdiń aıtýynsha, oqıǵa ornynda 4 jedel járdem qyzmeti jumys istegen.
Aıta keteıik, búgin tań ata Almatyda qar jaýyp, tústen keıin ol údeı túsken. Qar tek keshkisin saǵat 6-lardyń shamasynda ǵana baıaýlaǵan.
