Almatydaǵy jol-kólik oqıǵasy kezinde úsh avtokólik aryqqa ushyp ketti
ALMATY. QazAqparat - Gogol kóshesiniń tómengi jaǵyndaǵy Baıtursynov kóshesinde úsh avtokólik jol apatyna ushyrady, dep habarlaıdy QazAqparat.
Almaty qalalyq ІІD baspasóz qyzmetiniń habarlaýynsha, jol-kólik apatynan eshkim zardap shekken joq.
BMW-7 markaly avtokólik zańsyz jerden joldy kesip ótken jaıaý júrginshini soǵýdan qashyp, turaqta turǵan Toyota Camry jáne Subaru avtokólikterine soqtyǵysqan. Joıqyn soqqydan úsh kólik te joldan shyǵyp, aryqqa ushyp ketti.
Almaty ІІD jol-kólik apatynan eshkim zardap shekpegenin atap ótti.
Eske sala ketsek, ótken aptada er adam men onyń úsh jasar uly mert bolǵan jan túrshigerlik jol-kólik apaty boldy. Jolaýshy kólikti basqara almaı, aǵashqa soǵylǵan jáne jyraǵa túsip ketken. Atalǵan fakt boıynsha (345-bap, 4-bólim «Eki nemese odan da kóp tulǵanyń ólimine ákep soqqan jol-kólik apaty») sotqa deıingi tergeý amaldary júrip jatyr.
