Almatydaǵy jol apatynda júrgizýshi kólik ishinde qysylyp qaldy
ALMATY. QazAqparat - Almatyda eki kóliktiń betpe bet soǵylýynan júrgizýshilerdiń biri salonda qysylyp qaldy, dep habarlaıdy QazAqparat tilshisi oqıǵa ornynan.
Jol apaty Raıymbek dańǵyly men Saın kóshesiniń qıylysynda kópir ústinde bolǵan.
Batysqa baǵyt alǵan Mıtsýbısıdi belgisiz kólik yǵystyryp, qarama-qarsy jolǵa shyǵaryp jibergen.
Sonyń saldarynan Mıtsýbısı qarama-qarsy kele jatqan Honda kóligimen betpe bet soqtyǵysady. Soqqydan kólikter eki jaqqa ushyp ketken.
Honda júrgizýshisi kólikten shyǵa almaı qaldy. Jaqyn mańdaǵy jolaýshylar kóliktiń maıysqan esigin buzyp, er adamdy syrtqy shyǵardy. Kólik apatynan zardap shekken eki júrgizýshini de jedel járdem alyp ketti.
