Almatydaǵy jol apatynan úsh adam zardap shekti
ASTANA. QazAqparat - Almatyda Mercedes pen jolaýshy avtobýsynyń soqtyǵysýy saldarynan úsh adam zardap shekti, dep habarlaıdy patrul.kz.
Jol-kólik oqıǵasy 7 qańtar kúni 22:00 shamasynda Tóle bı kóshesinde bolǵan. Avtobýs pen Mercedes avtomobıli Tóle bı kóshesiniń boıymen Shyǵys aınalma jolynan batysqa qaraı bara jatqan. Qaıyrbekov kóshesine jeter-jetpeste jeńil kóliktiń júrgizýshisi rýlge ıe bola almaı, aldymen jol shetindegi qorshaýdy, artynsha ekpinimen baryp aldyndaǵy avtobýsty soqqan.
Oqys oqıǵa saldarynan Mercedes-tegi úsh adam jaraqattanǵan. «Jedel járdem» olardy sol mańdaǵy aýrýhanaǵa jetkizgen.
Qoǵamdyq kólikte jolaýshylar bolmaǵan. Jol-patrýl polıtsııasy qyzmetkerleri oqıǵanyń mán-jaıyn tekserip jatyr.
