Almatydaǵy jol apatynan moped jolaýshysy mert boldy
ASTANA. QazAqparat - Almatyda bolǵan jol-kólik apatynan moped jolaýshysy mert boldy, dep habarlaıdy patrul.kz.
Oqıǵa 2 shilde kúni boldy. «Ford» markili avtokóligi Súıinbaı kóshesiniń boıymen soltústikke qaraı ketip bara jatqan. Bekmahanov kóshesine jetpeı jaıaý júrginshige jol berý úshin toqtaǵan kólikti artyn jaǵynan moped kelip soǵady.
«Qatty soqqydan eki dóńgelekti kólik Ford-tan ushyp ótip, trotýarǵa qulady. Mopedtiń artqy oryndyǵynda otyrǵan qyz basymen joldyń jıegine soǵylyp, oqıǵa ornynda jan tapsyrdy. Al júrgizýshisi aýyr jaraqat alyp, aýrýhanaǵa jetkizildi», - delingen habarlamada.
