Almatydaǵy jol apaty: Júkti áıeldiń sábıi shetinep ketti
ALMATY. QazAqparat - Almatyda júkti áıeldi áketip bara jatqan jedel járdem jol apatyna ushyrady. Áıeldiń ishtegi nárestesi týmaı jatyp shetinep ketti, dep habarlaıdy QazAqparat tilshisi.
Jol apaty 17 naýryzda bolǵan. Rysqulov pen Sháripov kósheleriniń qıylysynda jedel járdem kóligi men Toyota kóligi soqtyǵysqan.
Qalalyq qoǵamdyq densaýlyq basqarmasynyń habarlaýynsha, kelinshek Perınataldy ortalyqqa shuǵyl jetkizildi.
«Sábı ishte shetinep ketti. Jol apaty akýsherlik anamnezdi qıyndatty dep aıta almaımyz. Jol apaty men bala óliminiń arasynda baılanys joq», - dedi qalalyq basqarmadan.
Al polıtsııa departamentiniń resmı ókili Saltanat Ázirbektiń aıtýynsha, bul isti Alataý aýdandyq polıtsııa basqarmasy tekserip jatyr.
«Іs tirkeldi. Sot medıtsınalyq saraptama taǵaıyndaldy. Endi sol saraptamanyń nátıjesin kútemiz. Eger adam dennsaýlyǵyna keltirilgen zalal ortasha bolsa, ákimshilik is, eger aýyr zalal keltirilse, qylmystyq is qozǵalady. Negizinde Toıota kóligi júrgizýshisiniń aıypty ekeni aıqyn», - dedi Saltanat Ázirbek.
Polıtsııa ókili júrgizýshilerge jedel járdem kóligine jol berý kerektigin eskertti.
«Jedel járdem kóligi jol surasa, shuǵyl berý kerek. Bireýdiń ómiri úshin arpalysyp bara jatyr degen sóz. Sondyqtan, jol erejesin múltiksiz saqtaý kerek. Áıtpese, onyń sońy osyndaı qaıǵyly jaǵdaılarǵa ákeledi», - dedi ol.
