Almatydaǵy jol apaty: Galant júrgizýshisi kóz jumdy
ALMATY. QazAqparat - Almatyda júk kóligi men Mıtsýbısı betpe-bet soǵylyp, Galant júrgizýshisi qaza tapty, dep habarlaıdy QazAqparat tilshisi oqıǵa ornynan.
Jol apaty Almaty-Astana tasjolynda bolǵan.
Mıtsýbısı avtomobıli Shamalǵan stansasy tusynda ózge kólikterden ozbaq bolǵan sátinde qarama qarsy baǵytqa shyǵyp ketken.
Osylaısha qarsy júıtkip kele jatqan IVECO júk kóligimen betpe bet soqtyǵysqan. Soqqy saldarynan Mıtsýbısı júrgizýshisi oqıǵa ornynda kóz jumdy.
Jol apatynyń mən-jaıyn polıtsııa anyqtap jatyr.
