Almatydaǵy jol apaty: Dáriger zardap shekkenderdiń jaǵdaıy týraly aıtty
ALMATY. QazAqparat - Almaty qalalyq jedel shuǵyl kómek kórsetý aýrýhanasynyń qabyldaý bóliminiń meńgerýshisi Ermek Jeldibaev jol apatynan zardap shekkenderdiń jaǵdaıy týraly aıtty, dep habarlaıdy QazAqparat tilshisi.
«Túngi saǵat 3-ter shamasynda ártúrli jaraqat alǵan alty naýqas bizdiń ıntensıvti terapııa bólimine jetkizildi. Jalpy klınıkalyq zertteýler júrgizildi. Oqıǵa ornynda olarǵa alǵashqy medıtsınalyq kómek kórsetildi. Alty adamnyń úsheýi aýrýhanaǵa jatqyzyldy. Olardyń ekeýi jansaqtaý bóliminde. Jaǵdaılary turaqty aýyr. Bas súıekteri jaraqattanǵan. Jambas jáne ıyq súıekteri synǵan. Em alýda. Al bireýi mamandandyrylǵan bólimge aýystyryldy. Olardyń ómirine qaýip tónip turǵan joq. Jaǵdaılary turaqtanǵanan keıin úsheýine de ota jasalady. Qalǵan úsheýi medıtsınalyq tekseristen keıin úılerine jiberildi. Olar ambýlatorııalyq em alady. Zardap shekkenderdiń bári jas jigitter. Eń úlkeni 28-de, al eń jasy 19-da», - dedi ol.
Túnde Almatyda Seıfýllın men Bógenbaı batyr kósheleriniń qıylysynda jantúrshigerlik jol-kólik apaty bolyp, saldarynan eki adam oqıǵa ornynda kóz jumdy.Túrli dene jaraqatyn alǵan alty adam aýrýhanaǵa jetkizildi.
